Veriu.info
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Veriu
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Nuk u gjet asgjë!
Të gjitha rezultatet
Veriu

Nga Kosova dyshohet se mashtruan 85 të moshuara në Norvegji, grupi bënte jetë luksoze

21/11/2026 - 12:21
në Lajme
A A
Nga Kosova dyshohet se mashtruan 85 të moshuara në Norvegji, grupi bënte jetë luksoze
Shpërndaje në FacebookShpërndaje në Whatsapp

Policia norvegjeze është duke zbardhur një rrjet të madh mashtrimi në rajonin e Rogalandit, ku më shumë se 20 të rinj, burra dhe gra, dyshohen se kanë mashtruar gra të moshuara për miliona korona norvegjeze.

“Deri më tani bëhet fjalë për 85 raste”, ka deklaruar Lars Ole Berge, prokuror policor në Distriktin Policor Sor-Vest, ka raportuar transmetuesi publik norvegjez, NRK.

Policia ka gati një vit që po heton atë që dyshohet të jetë një rrjet i gjerë mashtrimi. Deri më tani janë identifikuar 85 viktima, kryesisht gra të moshuara.

Megjithatë, autoritetet besojnë se numri i rasteve do të kalojë 100. Sipas vlerësimeve, viktimat janë mashtruar për një shumë të përgjithshme prej rreth tetë milionë koronash norvegjeze (rreth 750 mijë euro).

Shuma më e madhe që dyshohet se i është marrë një viktime të vetme është 853 mijë korona (rreth 80 mijë euro), bëri të ditur policia norvegjeze.

Bëhet fjalë për mashtrime të njohura si “smishing” dhe “vishing”, përmes të cilave kriminelët përpiqen t’i mashtrojnë njerëzit që të zbulojnë të dhënat personale, fjalëkalimet ose të transferojnë para.

“Viktimat janë nga i gjithë vendi dhe të gjitha rajonet e tij. Personat që kanë kryer telefonatat kanë qëndruar në Kosovë”, ka thënë Berge.

Mashtrimin e organizonin nga Kosova

Hetimet e policisë nisën më 18 dhjetor të vitit të kaluar, pasi një grua në të pesëdhjetat kishte paraqitur një kallëzim në polici.

“U telefonojnë grave të moshuara, duke u prezantuar si punonjës të bankës dhe duke u thënë se do t’i ndihmojnë të shmangin keqpërdorimin që po bëhet në llogaritë e tyre bankare. Këtë e bëjnë në mënyrë të sjellshme dhe shumë bindëse, duke shfrytëzuar njëkohësisht frikën dhe stresin e viktimave”, ka deklaruar inspektori policor Lars Ole Berge për NRK.

Mesazhet SMS dhe telefonatat vinin nga Kosova, por shfaqeshin sikur vinin nga numra telefoni norvegjezë.

Sipas Berge, tre të rinj qëndronin në Kosovë dhe drejtonin skemën e mashtrimit, ndërsa ndihmoheshin nga disa burra dhe gra të reja në jug të Rogalandit dhe në rajonin lindor të Norvegjisë.

Avokati Gard Lind-Iversen, i cili mbron njërin nga të dyshuarit, nuk ka pranuar të komentojë rastin në këtë fazë. Ndërkaq, avokatja Laila Afelad, mbrojtëse e një tjetër të dyshuari, nuk u është përgjigjur pyetjeve të NRK-së.

Mbi 20 të dyshuar, disa shërbenin si ndërmjetës për paratë

Në këtë rast janë nën hetime më shumë se 20 të rinj nga jugu i Rogalandit, të moshave 18 deri në 24 vjeç. Në mesin e tyre janë edhe dy nga tre personat që dyshohet se e drejtonin skemën nga Kosova. Personi i tretë ndodhet ende i lirë jashtë vendit.

Të dyshuarit në Norvegji kishin role të ndryshme në organizimin, përgatitjen dhe realizimin e zbrazjes së llogarive bankare, si dhe në veprimtarinë e njohur si përdorimi i “mushkave financiare”. Një pjesë e rëndësishme e rrjetit ishte e përqendruar në jug të Rogalandit.

Në rastet e mashtrimit financiar, “mushkë financiare” quhet personi që pranon para në llogarinë e tij bankare dhe më pas i transferon ato në llogari të tjera, shpesh jashtë vendit, ose i tërheq paratë dhe ua dorëzon personave të tjerë.

“Policia arrestoi njërin prej personave që kishte vepruar nga Kosova, në aeroportin Gardermoen, gjatë një operacioni të zhvilluar në fillim të këtij viti”, ka bërë të ditur Berge.

Ai është njëri nga personat që aktualisht ndodhen në paraburgim.

“Një tjetër person që dyshohet se kishte rol udhëheqës në rrjet është ekstraduar më vonë nga jashtë vendit në Oslo. Ai duhet të përgjigjet për vepra të tjera të rënda, si dhe për një aktakuzë në një rajon tjetër të Norvegjisë lindore, para se të merret me rastin tonë”, ka shpjeguar Berge.

“Bënin jetë luksoze, me mallra të shtrenjta dhe vetura sportive”

“Hetimet tregojnë se personat kryesorë të dyshuar kanë bërë jetë luksoze, duke blerë mallra të shtrenjta dhe vetura sportive”, ka deklaruar Berge.

Dy nga të dyshuarit ndodhen në paraburgim dhe policia synon t’i mbajë aty deri në fillimin e gjykimit, i cili shpresohet të mbahet në pranverën e vitit të ardhshëm.

“Na pret ende shumë punë. Jemi duke mbledhur informacione nga bankat dhe institucionet financiare në Norvegji dhe jashtë saj. Po bëjmë grumbullim të gjerë të informacioneve, shqyrtim të provave të sekuestruara dhe analiza, ndërsa duhet të zhvillohen ende edhe intervista me persona të përfshirë”, ka thënë Berge.

Policia norvegjeze raportohet se po zhvillon gjithashtu një punë të gjerë për të gjurmuar dhe rikuperuar përfitimet financiare të siguruara përmes veprimtarive kriminale.

“Këtë po e bëjmë duke ndjekur rrjedhën e parave përmes shërbimeve të ndryshme të kriptomonedhave, kompanive të basteve dhe shërbimeve bankare jashtë vendit. Për policinë është e rëndësishme që të rikuperojë paratë e përfituara nga krimi dhe të sigurojë që veprimtaritë kriminale të mos shpërblehen, veçanërisht kur ato kanë si motiv kryesor përfitimin financiar”.

“Mesazhi ynë për ata që mendojnë se kjo është një mënyrë jetese për t’u lakmuar është se shumëçka tregon se në fund u mbeten pak para, por shumë probleme”, ka përfunduar Berge. /Klankosova

JU REKOMANDOJMË

Lirimi i të akuzuarve për vrasjen e trefishtë në Gllogjan, ja arsyetimi i gjykatës

Lirimi i të akuzuarve për vrasjen e trefishtë në Gllogjan, ja arsyetimi i gjykatës
21/11/2026 - 11:34

Gjykata Themelore në Pejë ka shpallur aktgjykim lirues ndaj tre të akuzuarve, Kastriot, Kreshnik dhe Halil Mehmetaj, lidhur me akuzën për vrasjen e trefishtë më 26 nëntor 2021...

Më shumëDetails

FSK-ja pajiset me robotin e parë tokësor të prodhuar nga kompania kosovaro-amerikane

FSK-ja pajiset me robotin e parë tokësor të prodhuar nga kompania kosovaro-amerikane
21/11/2026 - 11:01

Ministrisë së Mbrojtjes i është dhuruar roboti i parë tokësor pa ekuipazh (UGV), i prodhuar në Kosovë nga kompania kosovaro-amerikane STRIDAR. Lajmin e ka bërë të ditur ministri...

Më shumëDetails

Krasniqi përshëndet familjarët nga oborri i shtëpisë, në pamundësi për t’i takuar nga afër

Krasniqi përshëndet familjarët nga oborri i shtëpisë, në pamundësi për t’i takuar nga afër
21/11/2026 - 10:13

Ish-kryetari i Kuvendit të Kosovës, Jakup Krasniqi, ka mbërritur edhe mëngjesin e sotëm në shtëpinë e tij në lagjen Velani të Prishtinës, ku ka takuar vetëm familjarët e...

Më shumëDetails

Ekspertët ndërkombëtarë tregojnë ku mund të sfidohet aktgjykimi ndaj ish-krerëve të UÇK-së

Ekspertët ndërkombëtarë tregojnë ku mund të sfidohet aktgjykimi ndaj ish-krerëve të UÇK-së
21/11/2026 - 08:58

Kosova po përgatit një strategji për t’i mbështetur katër ish-krerët e UÇK-së në apelin kundër dënimeve për krime lufte në Hagë. Disa ekspertë ndërkombëtarë që folën për Radion...

Më shumëDetails

“Krejt punët në gjysmë po i leni”: Qytetarët ia mbushin komentin me kritika Fitore Pacollit për digat

“Krejt punët në gjysmë po i leni”: Qytetarët ia mbushin komentin me kritika Fitore Pacollit për digat
21/11/2026 - 00:10

Ministrja e Mjedisit, Fitore Pacolli, ka marrë një varg komentesh kritike nga qytetarët, pas publikimit të një njoftimi për ndërtimin e pesë digave strategjike në Kosovë. Me mbishkrimin “Ky...

Më shumëDetails

Daut Haradinaj për Jakup Krasniqin: S’di çka të them për ty, përpos që e kisha nda një pjesë të jetës me të zëvendësu

Daut Haradinaj për Jakup Krasniqin: S’di çka të them për ty, përpos që e kisha nda një pjesë të jetës me të zëvendësu
21/11/2026 - 00:07

Daut Haradinaj ka pasur disa fjalë me rastin e vizitës së Jakup Krasniqit në familjen e tij në Kosovë për disa ditë. Në llogarinë e tij në “Facebook”,...

Më shumëDetails

Më të lexuarat në 24 orët e fundit

  • Dizajnerja me famë botërore Albina Dyla nuk i paguan punëtorët, nevojitet ndërhyrja e Inspektoratit që t’ua “qet” rrogat (Video)

    Dizajnerja me famë botërore Albina Dyla nuk i paguan punëtorët, nevojitet ndërhyrja e Inspektoratit që t’ua “qet” rrogat (Video)

    140 Shpërndaje
    Shpërndaje 56 Tweet 35
  • Incident në vizitën e Jakup Krasniqit: Dyshohet se pjesëtari i EULEX-it i drejtoi armën familjarit të tij (VIDEO)

    90 Shpërndaje
    Shpërndaje 36 Tweet 23
  • Skandal në Spitalin e Prizrenit: Gjobitet me 3 mijë euro për certifikatat shëndetësore të lejeve të armëve, mungonin dosjet e kandidatëve

    87 Shpërndaje
    Shpërndaje 35 Tweet 22
  • Policia dhe AKI me aksion të madh në Mitrovicë: Sekuestrohen kokainë e para

    86 Shpërndaje
    Shpërndaje 34 Tweet 22
  • Kilaj shpjegon jetën e vështirë në paraburgim në Hagë: Ushqimin e blinim vet pasi ata na sillnin shujta të ngrira

    85 Shpërndaje
    Shpërndaje 34 Tweet 21

Të gjitha të drejtat janë të rezervuara.

Privacy Policy

© 2023 Veriu.info

Nuk u gjet asgjë!
Të gjitha rezultatet
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum

© Veriu.info

Veriu.info përdor cookies. Duke vijuar me hapjen e kësaj faqe, ju bini dakord me kushtet për përdorimin e cookies. Më shumë