Transferimi i Nico Williamsit në Barcelonë mund të dështojë.
Kërkesat e futbollistit të Athletic Bilbaos po konsiderohen si të papranueshme nga drejtuesit e gjigantit katalunas.
Në fakt, sipas mediumit spanjoll “Marca”, ajo që ylli i Euro 2024 nuk e dëshiron janë problemet me regjistrimin, siç ndodhi vitin e kaluar me Dani Olmon, përcjell “Gazeta Express”.
Barça nga ana e saj është e vendosur: “Blaugrana” nuk pranojnë kushte nga ana e lojtarit, të cilat i konsiderojnë si të papranueshme.
Dhe, sipas drejtuesve të kampionit spanjoll, nëse lojtari vonon në dhënien e dritës jeshile përfundimtare, transferimi mund të anulohet.
Nico Williamas është bërë objektivi kryesor i Barcelonës në këtë verë, ndërsa edhe vetë lojtari e ka shprehur dëshirën për të përfunduar në “Camp Nou”.
Barça e kishte kërkuar lojtarin edhe verën e kaluar pas Euro 2024, ku kishte shkëlqyer ai, por kërkesat e Athletic Bilbaos në atë kohë ishin shumë të larta. /Gazeta Express
