Veriu.info dje ka raportuar se si IPKO po e shfrytëzon sezonën e mërgimtarëve, duke i rritur në mënyrë enorme çmimet e numrave telefonik.
Këto çmime ditëve të fundit po variojnë nga 25 euro deri 50 euro për një numër të ri në Mitrovicë e Istog, ndërsa në Pejë mund të gjenden sot numra me çmimin më të lirë prej 12 euro.
Para publikimit të artikullit të djeshëm, Veriu.info kishte dërguar pyetje në IPKO, për të marrë përgjigje në lidhje me shqetësimet e qytetarëve që rastin e kishin raportuar në Veriu.info.
Mirëpo, IPKO kishte kthyer përgjigje deri më sot, ku mundohet të demantoj lajmin e publikuar.
Afrika Zyferi, zyrtare për komunikim me publikun në IPKO në përgjigjen fillestare të dërguar në Veriu.info thotë: “IPKO ofron llojlloshmëri të ofertave të cilat ndahen sipas kontratave pre-paid (parapagim) dhe post-paid (numra me kontrata afatgjata). Të gjitha ofertat mund ti gjeni në website www.ipko.com. Gjatë sezonës verore, IPKO dizajnon oferta edhe për mërgimtarët, duke parashikuar nevojat e tyre për komunikim, gjatë qëndrimit të tyre në Kosovë dhe rajon. Për t’iu përgjigjur pyetjes tuaj të parë, JO, nuk është e vërtetë se IPKO nuk shet numra nën cmimin prej 25 euro”.
Ndërsa më pas Veriu.info ka dërguar pyetje se sa është çmimi i një numri të ri (pa kontratë afatgjate), ky zyrtarja e IPKO-s, Afrika Zyferi ka thënë se kinse pergjigjet jane shume te thjeshta, vetem që ne sipas saj, duhet t’i lexojmë me vemendje.
“Ju keni mundesi te zgjedhni nga ofertat e ndryshme ne dispozicion, varesisht nga nevojat e juaja per komunikim. Cmimi I nje numri te IPKO, mund te varioje. Sic mund ta shihni lehtesisht ne webfaqe, fillon nga Eur 2.95 deri ne EUR17.99. Por, ka edhe numra me cmime me te larta per bizneset qe deshirojne numra te vecante. Pra, e gjitha varet nga nevojat e individit apo biznesit per komunikim, dhe mundesite jane te shumta”, thuhet në përgjigjen e saj të dëguar sot në ora 16:27.
15 minuta pas përgjigjes së saj, Veriu.info ka vizituar zyren kryesore të IPKO-s në Mitrovicë, duke kërkuar të blej numër me çmim 2.95 euro, por që zyrtarja e shitjes ka ofruar vetëm numra sipas pakove 25 euro, 30 euro dhe 50 euro. (Shih foton e mëposhtme).
Veriu.info i ka treguar zyrtares së shitjes në IPKO email-in me përgjigje nga Afrika Zyferi, por që ajo thotë se nuk kanë numra tjerë në shitje.
Veriu.info menjëherë ka kontaktuar zyrtaren për marrëdhenie me publikun në zyren qendrore të IPKO-s, Afrika Zyferi, duke ia shpjeguar situatën, por ajo ka thënë se e ka mbaruar orarin e punës dhe vetëm nesër mund të kthen përgjigje.
Veriu.info posedon dëshmi (përfshirë edhe video) të gjata me minuta nga disa zyre të IPKO-s, ku dëshmohet se nuk shiten numra më të lirë se çmimet e lartëcekura.
Më poshtë mund të dëgjoni zërin e zyrtareve të IPKO-s në Istog e Pejë, ku flasin për këto oferta.
Ndryshe, siç kemi raportuar edhe dje, rritja e çmimin të numrave të ri ka ndodhur ditëve të fundit, pikërisht në pikun e sezonës kur mërgimtarët vijnë në Kosovë.
P.S.: Në rast të një kontesti gjyqësor për shkrimin Veriu.info do t’i prezantoj në gjykatë dëshmitë.
