Një vit që nga ndërprerja e pagave për mësimdhënësit e Mitrovicës së Veriut, pasi komuna humbet rastet në gjykatë e inspektorat vendos t’i thërras në komision disiplinor (Dokument)

Mësimdhënësit e komunës së Mitrovicës së Veriut, të cilëve iu ndërprenë pagat para 1 viti tashmë janë ftuar pranë komisionit disiplinor që u krijua së fundi nga ky institucion.

Kjo vjen pasi disa nga këta mësimdhënës bën ankesë pranë Inspektoratit të Punës dhe ky i fundit iu dha të drejtë, duke e cilësuar rastin si të jashtëligjshëm nga ana e komunës së Mitrovicës së Veriut e cila nuk respektoi procedurat gjyqësore, raporton Gazeta Online Veriu.info.

E së paku një rast deri tani ka fituar edhe rastin në gjykatë duke e obliguar komunën e Mitrovicës së Veriut, e udhëhequr nga Erden Atiq i Lëvizjes Vetëvendosje, që në mënyrë retroaktive t’ia kthejë pagat e papaguara.

Pasi komuna e Veriut humbi rastin në Inspekorat dhe një rast individual në Gjykatë, ka vendosur që t’i thërras në komision disiplinor mësimdhënësit që tashmë janë në proces gjyqësor.

Veriu.info ka siguruar emailin e dërguar njërit nga mësimdhënësit, ku i thuhet se të martën duhet të paraqitet në komision disiplinor për shkak të mungesës në punë dhe mosarsyetim të mungesave.

Gjykata dhe inspektorati kishin konstatuar se komune e Erden Atiqit, nuk kishte respektuar procedurat ligjore për ndërprerje të kontratave por se vetëm kishte ndërprerë pagat.