Degës së LDK-së në Vushtrri i ka dalë një problem me qiradhënësin e saj, i cili e ka paditur atë vitin e kaluar për mos-përmbushjen e obligimeve që dalin nga marrëveshjen për shfrytëzimin e hapësirës së lokalit, ku ushtron veprimtarinë zyrja e degës në Vushtrri.
Në një dokument të siguruar nga VushtrriaOnlien shihet se pronari i lokalit ka formalizuar kërkesë-padinë ndaj degës së LDK-së në Vushtrri në Gjykatë, duke i kërkuar asaj t’ia kompensoi obligimet e qirasë për tri vite, për të cilat ai sipas këtij dokumenti pretendon se nuk i janë paguar.
Në dokumentin e siguruar shihet se i njëjti i ka kërkuar disa herë të përmbushen këto obligime, por siç theksohet në dokument-padinë e njëjta nuk i është përgjigjur këtij të fundit duke mos përfunduar detyrimet si qiramarrës.
Në fotografitë e siguruara shihet se zyreve u janë vendosur edhe drynjtë.
Portali ka kontaktuar përmes emailit edhe zyrën për informim të LDK-së në Vushtrri, por që ende nuk ka marrë asnjë përgjigje përkitazi me këtë.
Vërejtje: Përshkak të kondifencialitet të të dhënave personale dhe palës në gjykatë që nuk janë të interesit publik janë mbuluar të dhënat e tyre në dokumentet në vijim!
