Gjithçka filloi në një debat politik ku analisti nga Mitrovica, Nexhmedin Spahiu, deklaroi se një ndërtesë që po vazhdon të ndërtohet afër shtëpisë së tij dhe fqinjve të tij, ka çarë shtëpitë e tyre.
“Ministrat e korrptuar Albin Kurti janë duke ma rrezikuar jetën mua dhe familjes time. Janë duke ma rrënduar shtëpinë. Ata kanë dhënë një leje ne kundërshtim me tri ligje në fuqi. Në fakt lejen e ka dhënë Komuna në kombinim me Ministrin e Liburn Aliut. Që ua ka hedh poshtë komunës vendimin dhe tani komuna u çu e ka dhanë lejen më u ndërtu soliter 10 katësh, në afër shtëpisë sime, por jo vetëm afër shtëpisë sime, stacionit policor jugor, përballë AKI-së. Që nuk lejohet përballë AKI-së. Ngjitur me oborrin e shkollës, përballë Monumentit të Kulturës, ku nuk lejohet me u ndërtu asgjë në 50 metra. Ndërtimi i kësaj ndërtese katër fqinjëve jau ka ca shtëpi dhe tani ka filluar të çahet shtëpia ime. Nëse vi ndonjëherë në pushtet kam me ia rrëzu shtëpinë Albin Kurtit dhe ministrave të tij”, ka thënë Spahiu në RTV Dukagjini.
Bëhet fjalë për ndërtesën e “Afri Universal” që po ndërtohet në Mitrovicë, saktësisht përballë objektit të AKI (Agjencionit Kosovar të Inteligjencës), dhe stacionit policor, raporton Gazeta Online Veriu.info.
Në storien e realizuar nga Nacionale shihet se lejen për këtë ndërtim e ka lëshuar komuna e Mitrovicës në bashkëpunim me ministrinë e Liburn Aliut, të cilën edhe e akuzoi direkt analisti Spahiu se po ja rrezikon jetën.
Por përveç rrezikimit të shtëpive, del se objekti 10 katësh në ndërtim e sipër, është përballë objektit të AKI, ku qytetarët do të kenë mundësi të shohim brenda oborrit të këtij institucioni sekret.
Madje objekti i AKI-së ndalohet të fotografohet dhe inçizohet, por qytetarëve u është dhënë një mundësi e paimagjinueshme që do të shohin brenda oborrit të Inteligjencës kosovare.
Por ky del të mos jetë problemi i dytë me këtë objekt, pasi i radhës është se ai është afër stacionit policor dhe ngjitur me oborrin e shkollës.
