Një tabletë që merret një herë në ditë mund të ofrojë një alternativë efektive ndaj barnave të injektueshme për pacientët me diabet të tipit 2.
Ky është Orforgliproni, ilaçi i parë oral në klasën Glp-1 Ra që ka treguar një ulje të hemoglobinës së glikuar (A1c) deri në 1.6% dhe humbje peshe deri në 7.2 kg.
Rezultatet pozitive nga studimi klinik i ‘’Fazës 3 Achieve-1’’, tregojnë se më shumë se 65 përqind e pacientëve arritën një nivel A1c të konsideruar nën pragun për diagnozën e diabetit.
Ilaçi gjithashtu kishte tolerancë të mirë, me efekte anësore të lehta si të përziera ose çrregullime të tretjes.
“Achieve-1 është i pari nga shtatë studimet e Fazës 3 që shqyrtojnë sigurinë dhe efikasitetin e orforglipronit tek njerëzit me diabet dhe obezitet.
‘’Jemi të kënaqur të shohim se ilaçi ynë më i fundit me inkretinë përmbush pritjet tona për sigurinë dhe tolerancën, kontrollin e glukozës dhe humbjen e peshës, dhe mezi presim të dhëna shtesë më vonë këtë vit”, tha David A. Ricks, kreu i studiuesve.
“Nëse miratohet, mund të prodhohet dhe të prezantohet lehtësisht në shkallë të gjerë për t’u përdorur nga njerëz në mbarë botën”, shtoi ai.
Sipas vlerësimeve të Federatës Ndërkombëtare të Diabetit, numri i të rriturve me diabet të tipit 2 mund të arrijë në 760 milionë deri në vitin 2050.
“Orforglipron shihet si një alternativë e mundshme për mbi 75% të njerëzve me diabet të tipit 2 që duke ruajtur një profil efikasiteti dhe sigurie në të njëjtin nivel me trajtimet e injektueshme të së njëjtës klasë.
