Presidentja e Kosovës, Vjosa Osmani, kryeministri në detyrë, Albin Kurti dhe kabineti i tij po marrin pjesë në ceremoninë zyrtare të shënimit të Epopesë së Ushtrisë Çlirimtare të Kosovës.
Kjo e para, ka përshëndetur të pranishmit me të arritur në vendin ku ishin ulur zyrtarët shtetërorë dhe të ftuar të tjerë.
Ndërkohë, Osmani është parë duke “ua bërë me dorë” ministrave të Qeverisë Kurti, përfshirë këtu Donika Gërvalles me të cilën patën marrëdhënie të tensionuara kohëve të fundit.
Kjo siç duket e ka gëzuar Gërvallën, e cila është parë duke buzëqeshur pas kësaj.
Ndërkohë, para pak muajsh, Osmani i kishte pranuar dallimet me Gërvallen, duke e përshëndetur edhe me një këngë madje.
“Nuk do t’i komentoja raportet, por kemi në dallime të qarta në qëndrimet me zonjën Gërvalla. Nuk është në interes të qytetarëve e as të Kosovës që ato mos të thuhen publikisht. Meqë doni me kangë të Dafinës me vazhdu, e ka një të re para 1 muaji: Me kast, me kast, mjeshtër i mashtrimeve, me kast, me kast përsëritës i gabimeve. Më falni është kënga e Gilit se idhnohet Gili” – tha Osmani.
Në disa raste, dy ish-bashkëpartiaket ishin parë as duke mos përshëndetur njëra tjetrën nëpër organizime të ndryshme.
Situatë e njëjtë ishte edhe jashtë vendit, gjatë Konferencës së Sigurisë në Mynih, ku Gërvalla përfaqësonte vendin bashkë me Kurtin, e Osmani vetëm.
Liderët nuk ishin parë duke përshëndetur njëri tjetrin as atje.
