“Dëm jashtë mase interesave të Kosovës”, e ka quajtur Presidentja e Kosovës, Vjosa Osmani, refuzimin e Qeverisë së Kosovës për të hequr tarifën prej 10% ndaj mallrave me origjinë nga Shtetet e Bashkuara të Amerikës.
Osmani tha se ka qenë e domosdoshme për vendin që të jetë shteti i parë që bën një propozim të tillë në raport me ShBA-në, dhe se tash është humbur ai momentu,
“E dëmton Kosovën dhe e ka dëmtuar interesin e Republikës së Kosovës jashtë mase për shkak se atë propozim që unë e kam bërë brenda kompetencave të mija kushtetuese dhe nëpërmjet shkëmbimit të letrave sepse komunikimi në Tëitter nuk ka qenë me Qeverinë tonë por me institucionet amerikane pas këshillave dhe konsultimeve që i kam bërë me shumë miq dhe aleatë në SHBA.
Ajo përgjigje ishte një dëm i madh për Kosovës, sepse Kosova e pat një momentum të jashtëzakonshëm që ta fuqizonte aleancën me Amerikën, në një moment kur për Amerikën ka qenë esenciale se kush është shteti i parë qe del me një propozim të tillë. Dhe unë kam qenë presidentja e shtetit të parë që kam dalë me atë propozim dhe ka qenë me rëndësi të dalim ne të parët”, tha Osmani.
