Presidentja Vjosa Osmani, gjatë takimit në Sofje me Presidentin e Kroacisë, Zoran Milanović, shprehu vlerësimin e thellë për mbështetjen e fuqishme të Kroacisë ndaj Kosovës.
Ajo e uroi Milanović për rizgjedhjen në postin e Presidentit dhe theksoi rëndësinë e bashkëpunimit të ngushtë mes dy vendeve në fushat e mbrojtjes, sigurisë dhe ekonomisë, duke theksuar se raporti mes Kosovës dhe Kroacisë është i bazuar në besim të ndërsjellë.
Postimi i plotë:
Kroacia mbetet aleate e çmuar e Kosovës në fushën e mbrojtjes dhe sigurisë rajonale. Prandaj, sot në Sofje takova mikun dhe mbështetësin e fuqishëm të Kosovës, Presidentin e Kroacisë, Zoran Milanović, të cilit i përcolla urimet më të përzemërta për rizgjedhjen në këtë post.
Me Kroacinë bashkëpunojmë në mbrojtje, në ekonomi dhe në çdo fushë tjetër, sepse raporti ynë është i bazuar në besim reciprok. Me miq si Kroacia, Kosova është çdo ditë e më e fortë.
