Me rastin e ditës së Pavarsisë së Ukrainës, shefja e shtetit, Vjosa Osmani e ka uruar homologut të saj ukrainas, Volodymyr Zelensky, dhe qytetarët e Ukrainës.
“Urimet tona të përzemërta për presidentin Zelensky dhe popullin e guximshëm të Ukrainës për Ditën e Pavarësisë”, ka shkruar Osmani.
Tutje, presidentja thekson se Kosova qëndron fort me Ukrainën në luftën e saj heroike për liri.
“Ne mbetemi të përkushtuar për të forcuar miqësinë tonë dhe për të mbështetur rrugën tuaj drejt rimëkëmbjes, drejtësisë dhe paqes së qëndrueshme”, përfundoi Osmani.
