Besim Kamberaj është pezulluar nga pozita e Sekretarit të Përgjithshëm në Ministrinë e Zhvillimit Rajonal, si pasojë e aktakuzës për korrupsion.
Vendimi për pezullimin u mor të premten nga Qeveria në detyrë.
Kryeministri Albin Kurti deklaroi gjatë mbledhjes se pezullimi i Kamberajt është “masë e nevojshme për të garantuar integritetin institucional”.
Propozimi për pezullim u votua edhe nga vetë Damka, i cili ndodhet nën aktakuzë për të njëjtën vepër penale si Kamberaj.
Prokuroria Speciale e Republikës së Kosovës më 4 korrik 2025 kishte ngritur aktakuzë për korrupsion ndaj ministrit në detyrë të Zhvillimit Rajonal, Fikrim Damka, dhe ushtruesit të detyrës së sekretarit në këtë ministri, Besim Kamberaj, të cilët ngarkohen për “Keqpërdorim të pozitës apo autoritetit zyrtar”.
