Një person është plagosur me armë zjarri në lagjjen Vaganica të Mitrovicës, përderisa i dyshuari është arrestuar nga Policia e Kosovës.
Burime të Veriu.info bëjnë të ditur se i plagosuri F.H. është dërguar fillimisht për trajtim në emergjencën e Spitalit të Mitrovicës për të marrë trajtim fillestar për plagën që e ka marrë në këmbë.
35 vjeçari i plagosuri është dërguar për trajtim të mëtutjeshëm në QKUK.
Veriu.info mëson se i arrestuari nën dyshimin për këtë plagosje është Q. Kurti.
Rastin për Veriu.info e ka konfirmuar edhe zëdhënësi i policisë për rajonin e Mitrovicës së jugut, Avni Zahiti, i cili ka treguar se ngjarja ka ndodhur rreth orës 14:00 në rrugën “Ilaz Kodra” në Mitrovicën e Jugut.
“Viktima i moshës madhore ( mashkull) i plagosur është dërguar në spital për trajtim mjekësor. Si rezultat i veprimeve të shpejta operative dhe hetimore, Policia ka arritur të identifikojë dhe arrestojë një person të dyshuar, i cili dyshohet se ka plagosur viktimën. Në cilësinë e provës materiale, nga i dyshuari është konfiskuar një armë zjarri. Hetuesit policorë, në koordinim me Prokurorin e rastit, janë duke vazhduar procedurat e mëtejme hetimore”, ka thënë Zahiti për Veriu.info.
