Ylli i Marokut, Sofyan Amrabat ka qenë jashtëzakonisht mbresëlënës në Kupën e Botës. Mesfushori i Fiorentinës po vlerësohet si një nga lojtarët më të mirë në Kupën e Botës duke luajtur në çdo minutë të kësaj gare.
Mediat franceze raportojnë se Klopp e ka takuar agjentin e futbollistit dhe se është shumë i interesuar që ta transferoj te Liverpooli në janar.
Mesfushori me tipare mbrojtëse ka edhe një vit e gjysmë të mbetur në kontratë te Fiorentina dhe se skuadra italiane ka shansin të përfitoj nga shitja e tij.
Agjenti i tij Mohammed Sinouh gjithashtu ka pohuar se ka shumë interes për Amrabat nga skuadra të mëdha evropiane.
Tottenham e Inter janë dy skuadrat e tjera që po e kërkojnë me ngulm 26 vjeçarin.
