Gazeta Online Veriu.info raportoi sot ekskluzivisht për arrestimin e një serbi në fshatin Soçanicë të Leposaviq nën dyshimin për krime lufte në Kosovë gjatë vitit 1999.
Veriu.info mëson se fjala është për serbin D. Pelevic.
Arrestimin e një personi të nacionalitetit serb e konfirmoi edhe Policia e Kosovës përmes një komunikate ku dha detaje rreth këtij aksioni.
Policia e Kosovës respektivisht Drejtoria për Hetimin e Krimeve të Luftës me dt.14.04.2026 në fshatin Soqanicë të Leposaviçit ka arrestuar të dyshuarin mashkull shtetas kosovar të nacionalitetit serb, nën dyshimin për kryerje të veprës Krime Lufte Kundër Popullatës Civile.
“I dyshuari i lartcekur bazuar në hetimet e zhvilluara dyshohet se në cilësinë e pjesëtarit të MUP-it të Serbisë gjatë periudhës së luftës në Kosovë, i sistemuar në Stacionin Policor të Skenderajt, i uniformuar dhe i armatosur, në mars të vitit 1999 në Skenderaj në bashkëkryerje edhe me pjesëtarë të tjerë, të organizuar si grup, kanë marr pjesë në operacion policor-ushtarak, ku kanë bërë dëbimin me dhunë të civilëve nga pronat e tyre, kanë rrahur, torturuar, plagosur dhe privuar nga jeta pesëmbëdhjetë 15 civilë shqiptar, si dhe zhdukur gjashtëmbëdhjetë 16 civilë të tjerë në dy lokacione në Skënderaj.” – thuhet në komunikatë.
Lidhur me rastin i dyshuari është intervistuar në prani të avoktatit sipas autorizimit dhe me aktvendim të prokurorit të rastit, të dyshuarit i caktohet masa e ndalimit 48-orë.
EKSKLUZIVE: Ky është serbi i arrestuar në Leposaviq për krime lufte (Foto)
