Veriu.info ka raportuar ekskluzivisht për një person që është gjetur pa shenja jete në banesën e tij në Tunel të Parë në Mitrovicë.
Bëhet fjalë për 54 vjeçarin Eset Fazliu.
Policia tha se rreth orës 11:00 u informua se ky person nuk kishte dalë nga banesa për tri ditë.
“Sot, me datë 16.06.2025 rreth orës 11:00, policia ka pranuar një informatë se në lagjen-Tuneli i Parë në Mitrovicë dyshohej se një person i cili jetonte i vetëm në banesë, nuk kishte dalë nga banesa për tri ditë me radhë ndërsa dera ishte mbyllur”, thuhet në njoftimin e Policisë.
Policia tha se e hapën me forcë derën e banesës e më pas një mjek konstatoi vdekjen e personit.
“Njësitë policore kanë shkuar menjëherë në atë lokacion e më pas edhe njësia e zjarrfikësve dhe një ekip mjekësor. Pasi është hapur dera me forcë është gjetur një person, ku mjeku ka konstatuar se personi i gjinisë mashkullore, rreth 54 vjeçar është pa shenja jete”, thuhet në njoftim.
Në lidhje me rastin, Policia tha se është njoftuar prokurori dhe me urdhrin e tij, trupi i pajetë është dërguar në Institutin e Mjekësisë Ligjore-Prishtinë për obduksion.
Rasti po hetohet si vdekje e dyshimtë./Veriu.info
