Policia e Kosovës përmes një njoftimi në rrjetin social Facebook, ka bërë të ditur se gjatë së hënës në pikën kufitare në Bërnjak ka parandaluar një aktivitet të kundërligjshëm të kontrabanës.
“Nga njësia policore kompetente është ndaluar për kontroll në vijën e dytë një veturë e dyshuar me targa serbe, të cilën po e drejtonte i dyshuari mashkull serb“, thuhet në njoftim.
Gjatë kontrollit të automjetit dhe personave (drejtuesit të mjetit dhe pasagjerit), në çantën e pasagjerit janë hasur mjete monetare euro në shumë të përgjithshme prej 25.515€, dhe dinarë shuma e të cilave arrin vlerën 4813€ (në total 30.328€).
Policia gjithashtu ka bërë të ditur se lidhur me rastin janë ndërmarrë veprimet procedurale për trajtim të mëtejmë të rastit nga dogana sipas legjislacionit në fuqi.
