Presidentja e Komisionit Evropian, Ursula von der Leyen, nuk do t’i shkojë Kurtit për takim në qeveri.
Kjo pasi Zyra e BE-së kishte njoftuar se më nuk takohen me Kurtin në cilësinë e kryeministrit, pas vendimit të Gjykatës Supreme.
Qeveria ka njoftuar se takimi do të bëhet në ndërtesën e Kuvendit.
Muajin e kaluar, shefat e misioneve të BE-së e patën njoftuar kryeministrin në detyrë Albin Kurti së më nuk do ta takojnë në zyrën e tij në Qeveri.
Përmes një letre ishte bërë me dije se vizitorët e nivelit të lartë nga Shtetet Anëtare të BE-së dhe institucionet e BE-së do të përmbahen, përkohësisht, nga mbajtja e takimeve në kryeministri dhe ministri
Aty ishte sqaruar se kjo do të zgjaste deri në krijim e qeverisë së re.
“Në interes të qëndrueshmërisë institucionale dhe respektimit të sundimit të ligjit, vizitorët e nivelit të lartë nga Shtetet Anëtare të BE-së dhe institucionet e BE-së do të përmbahen, përkohësisht, nga mbajtja e takimeve me Kryeministrin në detyrë dhe ministrat brenda ndërtesës së Qeverisë së Kosovës, derisa të jetë në funksion një Qeveri me mandat të plotë”, ishte thënë në letrën e shefave të misioneve të BE-së.
