Gjithçka elitare, e dorës së parë.
Banimit në varg në “Marigona Hill”, në lagje hiper-luksoze, tash ia ka shtuar edhe me shkollim elitar e prestigjioz – dhe të shtrenjtë – për dy vajzat e saj: në “Prishtina High School”.
Shkollimin fillor të tyre, Presidentja e Kosovës, Vjosa Osmani, po e paguan hiç më pak se rreth 15 mijë euro në vit.
Tabela e çmimeve është e paraqitur në uebsajtin zyrtar të kësaj shkolle.
6 mijë e 200 euro kushton viti shkollor për filloristë.
320 euro kushtojnë shujtat e ushqimit.
Të mbledhura rrumbullakësohen në 13 mijë euro.
Shto këtu “kostot shtesë” të provimeve, dhe depozitat nga 500 euro për nxënës: rrumbullakësohen në 15 mijë euro.
Linku për të parë çmimet e plota të shkollimit në UEBFAQEN ZYRTARE.
Presidentja e Kosovës, Vjosa Osmanit, pati sulm të madh ndaj mediave dhe gaztearëve se pse i ekspozuan gëzimin e madh të priviligjeve shtetëroer dhe resurset nga institucionet publike, të cilët janë të angazhuar në numra të mëdhenj për të ruajtur vajzat e saj.
Arrestimi i kameramanit
Privilegjet dhe resurset e shtetit i shfrytëzon në maksimum, ndërsa në maksimum e pati edhe helmin ndaj mediave që ia ekspozojnë gëzimin e plotë të atyre të mirave që i vinë me pushtetin.
Garda e rojeve të Presidentes së Kosovës, Vjosa Osmanit, prangosën një kameraman – që po merrte pamje të mbrojtjes së afërme të vet, që i ruajnë, në numra të mëdhenj, vajzat e sa në shkollë: tash në një shkollë private dhe prestigjioze.
Presidentja e Kosovës, Vjosa Osmani, shkarkoi helm të madh e u deh në viktimizim ndaj mediave dhe gazetarëve, me një shkrim të gjatë në Facebook – ku arsyetoi arrestimin e kameramanit, dhe shkollimin prestigjioz, e hermetikisht të ruajtur edhe fizikisht, të vajzave të saja.
Gazetarët i akuzoi për “rrezikim të sigurisë” së vajzave të veta, e deri edhe nsë “pasoja afatgjata psikologjike”
‘Helmi’ i Osmanit: Tha se po ia “përndjekin” vajzat gazetarët…
“Përndjekje e vazhdueshme, e kundërligjshme, dhe e rrezikshme”, shkroi ajo në reagimin në Facebook, pas arrestimit të gazetarit të “Paparacit”, Jetmir Muji, i cili po mbahej në stacon policor në Prishtinë, pas arrestimit nga mbrojtja e afërt e Osmanit.
Shkrimin e nisi që vajzat e saj qenkëshin shkolluar në institucione publike me kushte të mjerueshme dhe se tash në shkollën private ështe se kanë ndryshuar vendbanimin. Dhe këto vlerësime, tha ajo, kanë ardhur nga institucionet e sigurisë.
U lëshua në fjalë edhe të natyrës së shantazhit – kjo vepër penale – ndaj gazetarëve “për ndonjë prej tyre do të shokoheshit se me çfarë veprimtarie të kundërligjshme merren, sipas institucioneve tona të sigurisë”.
Madje tha edhe se “gazetarë të shumtë shkollojnë fëmijët në shkolla private, brenda dhe jasht vendit”, duke e vendosur shenjën e barazisë mes saj si Presidente e Shtetit dhe gazetarëve nuk ushtrojnë kurrëfarë funksioni në institucione publike.
Ndërsa gazetarët, tha jao, “rrezikojnë sigurinë e vajzave të mia”.
“E vetmja gjë që bënin disa nga këta të ashtuquajtur gazetarë, ishte rrezikimi i sigurisë së vajzave të mia, të cilat shkonin çdo ditë në shkollë publike, duke publikuar vendndodhjen e tyre, klasat e tyre, incizime të paautorizuara të fytyrës së tyre, pa asnjë leje paraprake, e përkundër moshës së tyre të mitur, dhe faktit se, ashtu siç e parasheh ligji dhe siç ka qenë rasti edhe me familjet e tjera të presidentëve, policia është prezente. Njësoj, pra incizime të paautorizuara të fëmijëvë të mitur, ata tentuan të bëjnë edhe sot”.
“Prandaj, do të ndërmarr çdo masë ligjore për të mbrojtur fëmijët e mi nga këta të ashtuquajtur gazetarë, të cilët nuk e kanë qëllimin të informojnë publikun, por të rrezikojnë jetën e fëmijëve që nuk u kanë asnjë faj. Këto incizime të paautorizuara, shpesh deri në nivel të përndjekjes, për fëmijët krijojnë jo vetëm rrezik fizik, por edhe psikologjik, me pasoja afatgjata”.
