Korporata Energjetike e Kosovës (KEK), ka njoftuar se njësia A3 e Termocetranlit Kosova A do të ndalet nga puna sonte.
Kjo për shkak të problemeve të ndjeshme me humbjen e ujit.
Për këtë KEK, thotë se ka njoftuar me kohë Kompaninë e Distribuimit të Energjisë Elektrike.
Njoftimi i plotë i KEK:
Njoftim për Ndaljen e Njësisë A3
Korporata Energjetike e Kosovës (KEK sh.a.) ju njofton se njësia A3 e Termocentralit Kosova A do të ndalet nga puna sonte, më 08.04.2025, në orën 23:59, për shkak të problemeve të ndjeshme me humbje të ujit. Për të parandaluar ndonjë defekt të mundshëm më të madh, është e nevojshme që kjo njësisë të ndalet deri në verifikimin e plotë të gjendjes.
Në lidhje me këtë, KEK ka njoftuar me kohë Kompaninë e Distribuimit të Energjisë Elektrike dhe ka marrë masa që kapacitetet e njësisë A3 të mos nominohen për ditën e nesërme.
Ekipet tona të ekspertëve janë në gatishmëri për të identifikuar dhe sanuar çdo defekt që mund të jetë shkaktar i këtij problemi, sapo të krijohen kushtet (pas ftohjes së njësisë), për të rikthyer njësinë në funksion në kohë optimale.
Për çdo informacion të mëtejshëm dhe për kohēn e rikthimit të njësisë A3, do t’ju njoftojmë me kohë.
Faleminderit për mirëkuptimin!
Departamenti për Marrëdhënie
me Publikun dhe Komunitete
KORPORATA ENERGJETIKE E KOSOVËS
