Prof. Ass. Dr. Muzafer Shalës, i cili do të mbajë numrin 50 në listën e kandidatëve të PDK-së për deputet, është një profesionist me mbi dy dekada përvojë në fushën akademike, institucionale dhe menaxheriale, me kontribut të spikatur në politikat e inovacionit dhe zhvillimit digjital në Kosovë.
Në nivel qeveritar, Prof. Shala ka ushtruar detyrën e Ministrit të Inovacionit dhe Ndërmarrësisë (2019–2020), duke udhëhequr iniciativa kyçe për transformimin digjital, mbështetjen e ndërmarrësisë dhe forcimin e kapaciteteve inovative të ekonomisë së vendit.
Ai ka përfunduar studimet doktorale në University of Kent, Mbretëri e Bashkuar, ndërsa kontributi i tij akademik përfshin angazhimin afatgjatë në Universitetin e Mitrovicës “Isa Boletini”, ku ka shërbyer si Profesor i Asociuar në lëndët e Shkencave Kompjuterike dhe ka mbajtur pozita të rëndësishme menaxheriale, përfshirë atë të Zëvendësdekanit për Cilësi dhe Bashkëpunim Ndërkombëtar.
Prof. Shala është gjithashtu themeltues i British Gymnasium of Technology dhe bashkë-themeltues i Code Invention L.L.C., Prishtinë, duke ndikuar drejtpërdrejt në zhvillimin e kapaciteteve teknologjike dhe të ndërmarrësisë në Kosovë.
Kandidatura e tij reflekton një ndërthurje të përvojës akademike, vizionit strategjik dhe angazhimit afatgjatë për avancimin e sektorit të inovacionit dhe teknologjisë në vend.
