Ndeshja spektakolare mes Paris Saint-Germainit dhe Bayern Munichut (5-4) nuk ishte vetëm një show futbolli, por edhe një sfidë historike që i theu disa rekorde në UEFA Champions League.
Ja 10 statistikat më të jashtëzakonshme të duelit të “çmendur” që u zhvillua mbrëmë në Paris:
1. Për herë të parë në histori, një gjysmëfinale e Champions League i pati 5 gola vetëm në pjesën e parë.
2. Ishte gjysmëfinalja e parë ndonjëherë me 9 gola total, duke e thyer rekordin e mëparshëm (7 gola), mes tyre edhe Inter vs Barcelona 4-3.
3. Vetëm një ndeshje tjetër në këtë sezon ka pasur 9 gola: 7-2 mes Barcelonës dhe Newcastle në 1/8 finales.
4. Ndeshja ishte vetëm një gol larg rekordit absolut në fazat “knockout” (8-2 i Bayern ndaj Barcelonës në 2020).
5. Në historinë e Champions League, vetëm 4 ndeshje kanë pasur më shumë gola se kjo.
6. Në ndeshjen e kthimit duhen vetëm 4 gola për ta barazuar rekordin e golave në total në një përballje me vajtje-ardhje (13 gola).
7. FC Barcelona e mban rekordin me 45 gola në një sezon të Championsit, por PSG (43) dhe Bayern (42) janë shumë pranë.
8. Për PSG ishte fitorja e 100-të në Champions League (pa i llogaritur fazat para-kualifikuese) – asnjë skuadër franceze nuk e kishte arritur më parë.
9. Khvicha Kvaratskhelia u bë lojtari më produktiv në fazën e eliminimit me 7 gola. Ish-futbollisti i Napolit arriti në kuotën e 10 golave në këtë edicion, duke e barazuar rekordin e Zlatan Ibrahimovic me PSG-në.
10. Nga ana tjetër, Harry Kane arriti në 13 gola këtë sezon, vetëm dy më pak se lideri Kylian Mbappé.
