Me 5 mijë e 100 euro është gjobitur Lëvizja Vetëvendosje për shkak të pjesëmarrjes së fëmijëve në fushatë zgjedhore.Kundër LVV-së, në Panelin Zgjedhor për Ankesa dhe Parashtresa ishin ankuar Lidhja Demokratike e Kosovës dhe Instituti i Kosovës për Drejtësi.
Lidhja Demokratike e Kosovës kishte pretenduar se më datë 30.05.2026, gjatë një tubimi zgjedhor të organizuar në Vushtrri nga Lëvizja Vetëvendosje, kandidati për Kryeministër nga radhët e LVV-së Albin Kurti, ka ftuar në skenë një vajzë të mitur, rreth moshës 10 vjeçare, e cila ka recituar para pjesëmarrësve të tubimit.
LDK ka potencuar se vajza reciton e veshur me me rroba dhe logo të LVV-së.
“Sipas parashtruesit të ankesës, pjesëmarrja aktive e fëmijës në skenë, para publikut dhe në kuadër të një aktivitetit të organizuar zgjedhor, përbën angazhim të një personi nën moshën 15 vjeçare në 1 fushatë zgjedhore, gjë që është e ndaluar nga rregullat zgjedhore në fuqi dhe se PZAP në rastet e mëhershme ka konstatuar se pjesëmarrja e fëmijëve në aktivitete dhe materiale të fushatës zgjedhore përbën shkelje të rregullave zgjedhore dhe ka shqiptuar gjoba ndaj subjekteve politike”, thuhet në vendimin e PZAP, e aty po ashtu thuhet se LDK ka bashkëngjitur si prova fotot dhe linkun nga tubimi në fjalë.
PZAP ka vendosur se ankesat e LDK-së dhe IKD-së janë të bazuara.Për pretendimin e LVV-së se nuk ka angazhuar të miturën, PZAP ka thënë se e vlerësoi si të pabazuar, për faktin se në momentin kur organizatori i aktivitetit i ka mundësuar të miturës hyrjen në sallë, pastaj paraqitjen në skenë para publikut në kuadër të tubimit zgjedhor, pjesëmarrja e saj konsiderohet përfshirje aktive në fushatë zgjedhore.
“Lidhur me pretendimin nga përgjigja në ankesë se “Në rastin konkret nuk ekziston asnjë provë që e mitura është ftuar, organizuar, koordinuar apo angazhuar nga Lëvizja Vetëvendosje!…” Këto pretendime paneli i vlerëson si të pabazuar, për faktin se nuk është më rëndësi në këtë rastë se a ka pasur ftesë, organizim apo koordinim për të marrë pjesë e mitura në aktivitete politik, por me rëndësi është fakti se organizatori i këtij aktiviteti e ka lejuar që të marrë pjesë në këtë aktivitet politik, veprim ky i cili bije në kundërshtim me Rregulloren e sipërcituar”, thuhet tutje në vendimin e PZAP-së.
Veprimi i LVV-së, PZAP ka konstatutar se ishte në kundërshtim me Rregulloren Zgjedhore për Fushatën e Zgjedhjeve.
Vendimi i plotë në këtë link.
Gjatë një tubimi elektoral të mbajtur në Vushtrri, Albin Kurti ka mbajtur mbi dy minuta në skenë një vajzë të mitur si pjesë e programit politik të Lëvizjes Vetëvendosje, kështu duke shënuar nje keqpërdorim flagrant.
Albin Kurti u tha të pranishmëve se vajza, e identifikuar si T.T. nga Vushtrria, kishte kërkuar të këndonte një këngë.
“Më tha a bën me ardh me këndu një këngë. E pyeta si quhet kënga, tha ‘Oj Kosovë’. I thashë, bon”, deklaroi Kurti para turmës.
Vajza e mitur nisi me thirrjet “Albin baba, Albin baba”, ndërsa më pas vazhdoi me mesazhe politike dhe sulme ndaj privatizimeve të së kaluarës, duke përdorur edhe gjuhë të rëndë ndaj kundërshtarëve politikë.
“Ju vraftë zoti kriminela, shkatërrut fabrika, e i shit për hekra, i lat punëtort me durt në xhep. ju vraft zoti iu vraft allahu…”, thotë e mitura.
Pas përfundimit të fjalës, Kurti më pas vazhdon:
“Fëmija më radikal se unë. Prandaj duhet bëjmë çmos gjithë ne që këta fëmijë ta kenë ardhmërinë e ndritshme…”
