Qeveria e Kosovës në mbledhjen e mbajtur më 13.09.2022 ka emëruar Avni Ramadanin kryesues të bordit në ndërmarrjen publike KMDK, ani pse i njëjti është në kontest gjyqësor me kompaninë në fjalë.
Avni Ramadani është në kontest gjyqësor më KMDK Sh. A duke e bërë emërimin e tij në kundërshtim me Ligjin për Parandalimin e Konfliktit të Interesit dhe Ligjin për Ndërmarrje publike.
A ka qenë Qeveria në dijeni të faktit që Ramadani është në kontest gjyqësor me ndërmarrjen KMDK kur ky i fundit u emërua kryesues i bordit, apo Avni Ramadani ka fshehur këtë fakt në CV-në e tij, apo ka dhënë deklaratë të rrejshme nën betim, kjo mbetet të zbardhet nga institucionet përgjegjëse.
Ramadani pa paditur këtë kompani dhe pret kompensim të dhjetra mijëra euro pikërisht nga kompania ku është kryesues bordi.
Bazuar në dokumentet e siguruara nga Veriu.info konfirmohet se kryesuesi Ramadani është në kontest gjyqësor me KMDK-në dhe se ky fakt përbën konflikt interesi.
Avni Ramadani 11 vite më parë kishte dhënë dorëheqje nga pozita e kryeshefit ekzekutiv të KMDK-së dhe më pas kishte paditur kompaninë për arsyen që kjo e fundit nuk e kishte marrë si këshilltar.
Sipas procesverbalit të mbledhjes së bordit të KMDK-së të datës 29.06.2011, Avni Ramadani kishte dhënë dorëheqje nga pozita e kryeshefit të kësaj kompanie pasi kjo e fundit kishte ardh buzë kolapsit.
Po ua sjellim një deklaratë tëAvni Ramadani në mbledhje të Bordit të KMDK-së më 29.06.2011: “Kërkoj shkarkimin dhe paraqes dorëheqjen time të parevokuesjme nga kryeshefi ekzekutiv i KMDK-së, e cila besoj se do të më miratohet, me arsyeshmërinê se jam i lodhur nga kjo punë, nuk kam mundur t’i arrij caqet që i kam pasur në plan. Bordi nuk ka qenë i kënaqur me punën time dhe qe sa mbledhje më është diskutuar në votëbesim.”
Pikërisht ky person tash është emëruar kryesues i bordit.
Është e çuditshme se si qeveria ma emëruar kryesues bordi personin që 11 vitr më parë kishte sjellur këtë kompani buzë kolapsit, duke mos harruar faktin që është në proces gjyqësor me kompaninë në fjalë, e madje edhe nuk ishte përzgjedhur si kandidat për intervistim.
A ka mashtruar kryesuesi Avni Ramadani apo qeveria ka injoruat këto të dhëna nuk dihet.
Më poshtë ju sjellim nenit e ligjit që saktëson masat nëse personi jep deklaratë të rrejshme:
17.5 Çdo person i cili mban ose aplikon për një pozitë të drejtorit duhet të japë një deklaratë nën betim në të cilën deklaron se ai/ajo i përmbush kushtet e kualifikimit, pavarësisë dhe ato të përshtatshmërisë profesionale sipas paragrafëve 1-3 të këtij neni. Çdo përgënjeshtrim material – qoftë i qëllimshëm ose nga neglizhenca – ose ndryshim material nga informatat e dhëna në deklaratën e sipër cekur do të rezultojë në shkualifikimin e menjëhershëm dhe, nëse është e aplikueshme, largimin e personit.
Të bashkangjitur e gjeni
Padinë në Gjykatë dhe procesrverbalin e datës 29.06.2011 dhe Listën e Qeverisë të kandidatëve të perzgjedhur për intervistim: