Frashër Krasniqi nga Partia Socialdemokrate (PSD) ka reaguar ashpër ndaj kryetarit të Prishtinës, Përparim Rama, duke e akuzuar se ka lënë për katër vite banorët e Rrugës B pa ndriçim, ndërsa tash vetëm një muaj para zgjedhjeve, po përgatitet ta lëshojë në funksion ndriçimin.
Në një reagim publik, Krasniqi tha se kjo është një praktikë e padrejtë dhe manipulim politik me qytetarët e kryeqytetit.
“Këqyreni qysh Përparim Rama osht ka e përgatit ndriçimin në rrugën B për me e lëshu n’funksion tash para zgjedhjeve. Qysh nuk ju vjen marre? 4 vjet i ka lënë banorët e rrugës B me pritë pa ndriçim për çka? Për me mujt me lëshu ndriçimin 1 muaj para zgjedhjeve për me thonë që Demeke e ndriçova Prishtinën? Kjo është marre, na duhet me i largu këta politikanë që vijnë e lypin votën te ti edhe bohen kishe po punojna, 1 muaj para zgjedhjeve punë të cilat nuk i kanë kry gjatë krejt mandatit. 4 vjet Rruga B dhe C edhe shumë e shumë rrugë të Prishtinës kanë vujt nën mungesë të ndriçimit, tash o ka përgatitet me demeke me i lëshu 1 muaj para zgjedhjeve”, ka deklaruar ai.
Krasniqi theksoi se qytetarët e Prishtinës nuk duhet të mashtrohen nga projekte që, sipas tij, realizohen vetëm për efekte elektorale.
