Në një postim në Facebook, Ramadani ka theksuar se siguria kombëtare duhet të jetë prioritet, e jo, siç u shpreh ai, lavdërimet në media.
Ai ka cituar edhe Raportin e Auditorit për vitin 2025 në Ministrinë e Mbrojtjes, duke theksuar se pagesat për kujdestaritë e ushtarëve janë kryer vetëm për muajin janar 2025, për shkak të mungesës së buxhetit.
Postimi i plotë:
Ushtarët e Kosovës të lënë pas dore. Kjo nuk guxon të vazhdojë. Mjaft më!
• Siguria kombëtare duhet të jetë prioriteti, jo lavdërimet nëpër media!
“Ministria, për punën e kujdestarive ka paguar pjesëtarët e FSK-së, vetëm për muajin janar 2025.
…Shkaku i mos kompensimit të plotë ishte mungesa e buxhetit.” thotë ndër të tjera Raporti i Auditorit për vitin 2025 në Ministrinë e Mbrojtjes.
S’po komentoj më shumë, përveç se krejt lavdërimet e tupanxhinjve politik rrëzohen për toke kur e sheh këtë gjetje të Auditorit.
Sepse, kur ushtari detyrohet ta padisë në Gjykatë Qeverinë, s’kemi çka flasim për çështje tjera!
Viti 2025 i ka pasur 12 muaj, jo veç 1 muaj!
