Gëzim Plakolli është përfolur shumë muajve të fundit si kandidat i mundshëm për kryetar të degës së LDK-së në Mitrovicë.
Procesi i brendshëm zgjedhor në degën e LDK-së në Mitrovicë pritet të nis nesër.
VeriuInfo ka publikuar një postim me tre emrat më të përfolur si kandidat të mundshëm për kryetar dege, që janë Festim Kutllovci, Naim Hajra dhe Gëzim Plakolli.
Një qytetar i ka uruar suksese Gëzim Plakollit në postimin e bërë nga VeriuInfo, por ky i fundit i ka replikuar duke thënë se nuk do të jetë pjesë e garës.
“Une sjam aspak ne gare. Ku po i marrin keta informatat nuk e di. Ama, sinqerisht, suksese ketyre dy miqve te mi. Te dy e meritojne. ✌🏼”, ka shkruar në replikë Plakolli.
Sidoqoftë, në politikë asnjëherë nuk mund të kurrë, sepse gjërat mund të ndryshojnë në momentin e fundit./VeriuInfo
