Kompania e sondazheve “Ubo Consulting” ka realizuar matjet e opinionit publik në muajin dhjetor të emërtuar si “Ubo Omnibus”.
Sipas këtij sondazhi që po qarkullon në rrjete sociale, e që VeriuInfo mëson se është i saktë, thuhet se VV mbështetet nga 47.7% e elektoratit.
Në vendin e dytë radhitet PDK-ja me 19.5% të votave, përderisa LDK është radhitur e treta me 17.7% të qytetarëve të anketuar.
Në vendin e katërtë është renditur AAK-NISMA me 6.5% të votave.
Ndërsa, 9.1% e të anketuarve i jepin mbështetje partive tjera, që kryesisht janë minoritetet.
Kujtojmë se në vitin 2021 VV kishte marrë 50.2% të votave, PDK 17%, LDK 12.7%, AAK 7%, NISMA 2.5%.
