Gazetari Baton Haxhiu, paralajmëroi në një lidhje direkte në televizionin T7 befasi në disa prej komunave, ndërsa po vijon votimi për zgjedhjet e sotme lokale.
Ai ka parë tashmë rezultatet e para të Exit-Poll-it dhe tha se në Prishtinë po bëhet “betejë e fortë”.
“Prishtina… e Jashtëzakonshme si garë, e jashtëzakonshme si betejë në çdo gjysmë ore të votimit dhe rezultati nuk dihet deri në momentin e fundit”, tha ai.
Haxhiu tha se “njëra prej komunave që do t’i befasojë të gjithë është Mitrovica e Jugut”.
Ai tha se “dy komuna shkojnë pa balotash”. Kjo, sipas tij, “tashmë dihet, sepse ka një diferencë të mjaftueshme”, nga rezultatet aktuale të Exit-Poll-it i cili publikohet sonte në 19:00 në Pressing në T7.
“Tri të tjera janë afër t’i ikin balotazhit. Njëra është me një përqindje prej 1.4 – 1.5% dhe është shumë afër që ta ruajë këtë rezultat dhe të shkojë pa balotazh”.
“Kurse te tri të tjera… rezultati te njëra është 49.2%, te tjetra është 48.8. Pastaj te tjetra është 47.8. Këto tri komuna, deri në momentin e fundit nuk e dimë a do të ketë balotazh apo jo. D.m.th, dy dihen sigurt, e treta është 90 me 10%, kurse tri tjera, të cilat janë komuna të mëdha, mund të shkojnë gjithashtu pa balotazh”, tha Haxhiu.
Edicionin special të T7 për zgjedhjet lokale mund ta ndiqni direkt KËTU.
