Intervale me diell do të ketë fillimisht mëngjesin e së mërkurës. Vransirat shtohen duke shkuar nga mesdita, kur parashihen të depërtojnë rrebeshe shiu orëve të pasdites, të shoqëruara dhe me bubullima. Duke shkuar nga mbrëmja reshjet pritet të përfshinë pjesën më të madhe të vendit, e të jenë më të qëndrueshme. Frynë erë jugperëndimore e lehtë dhe mesatare 4-11m/s, e më vonë ndryshon drejtimin në veriore.
Temperaturat minimale zbresin në 13C e 16C, ndërsa maksimalet shkojnë deri në 27C e 28C.
Vransira kalojnë më shumë ditën e enjtë mbi vend, e kohëpaskohe priten rrebeshe shiu deri orëve të mbrëmjes. Temperaturat zbresin në 25C. Vransira të ulëta, apo kushte për mjegull shfaqen mëngjesin e së premtës, ndërkohë që gjatë ditës do të ketë më shumë intervale me diell.
Kryesisht me diell po parashihet edhe dita e shtunë, derisa të dielen kalojnë vransira, por se nuk shfaqen mundësi për të reshura. Temperaturat maksimale shënojnë rritje deri në 29C e 30C në fundjavë. Minimalet zbresin deri në 12C e 14C. Frynë erë veriore e verilindore, mesatare 4-10m/s.
