Anëtari i Lidhjes Demokratike të Kosovës, Berat Rukiqi, përmes faqes së tij zyrtare, ka reaguar kundrejt punimeve në Uren e Badovcit.
Rukiqi tha se pjesa që duhet të punohet për ta bërë uren funksionale ka një gjatësi prej 38 metrave, e tashmë po bëhen 500 ditë që kjo urë nuk është në funksionon e ende nuk duket as në horizont përfundimi i saj.
“Në fakt kjo urë simbolizon më së miri këtë qeverisje: e paaftë, jo serioze dhe me asnjë “urë” bashkëpunimi në dobi të progresit në vend…Një qeveri e paaftë që nuk arrin, për rreth 500 ditë të tëra, me e përfundu një urë 38 metra, nuk e merr askush seriozisht”, shkruan Rukiqi.
