Sergio Ramos dhe partnerët e tij do të finalizojnë blerjen e klubit të Sevilla në ditët në vijim.
Ramos dhe “Five Eleven Capital” kanë rënë dakord me aksionarët kryesorë të klubit për çmimin afërsisht 450 milionë euro, përfshirë borxhin dhe orarin e pagesave, i cili ndryshon në varësi të faktit nëse ekipi është në Divizionin e Parë apo të Dytë.
Ajo çfarë mbetet është që Këshilli Kombëtar Spanjoll i Sporteve të miratojë transaksionin dhe të nënshkruhen të gjitha kontratat. Letra e Qëllimit që Sergio Ramos dhe Five Eleven Capital nënshkruan janarin e kaluar me aksionarët kryesorë skadon më 31 maj.
Kjo është arsyeja pse të gjitha palët kanë dashur ta përshpejtojnë procesin, sepse pas nënshkrimit të marrëveshjeve të blerjes, do të duheshin ndërmarrë disa hapa të tjerë. Në fillim të kësaj jave, përveç ndonjë ndryshimi të madh, gjithçka është përshpejtuar.
Përveç investimit në aksione, Ramos dhe grupi i tij do të duhet të kryejnë një rritje të konsiderueshme të kapitalit, midis 80 dhe 100 milionë eurove, për të lehtësuar problemet ekonomike të entitetit dhe gjithashtu për të lejuar një përmirësim në kufirin e pagave.
Kështu, Sevilla hyn në një epokë të re, pas shumë vështirësive, ku do të tentojë të kthehet në ditët e dikurshme, kur fitonte titulj radhazi në Europa League dhe kualifikohej rregullisht në Champions League. Por përpara kësaj do të duhet siguruar mbijetesa.
