Vështirë të gjendet politikan që ka përmendur gjatë karrierës së tij politike fjalën oligark, sidomos kur ishte në opozitë e shpeshherë edhe gjatë qeverisjes, por në veçanti tani që jemi në fushatë. Emri i tij është Albin Kurti, politikani që së fundi përveç sulmeve ndaj oligarkëve të caktuar, ka ndryshuar edhe paraqitjen e tij publike e sidomos zërin.
Por si në shumë tema kryeministri Kurti edhe këtu del selektiv, pasi jo të gjithë oligarkët po i sulmon. I ka disa, ose së paku një të tillë që njihet si oligark i madh të cilin e ledhaton.
Para se ta zbulojmë emrin, le të hedhim një sy mbi termin oligark, si tentativë për ta kuptuar më qartë e më thellë Albin Kurtin.
Oligark zakonisht cilësohet një individ që ka ndikim të madh ekonomik e politik në njëvend për shkak të pasurisë së tij të madhe dhe lidhjeve me pushtetin politik.
E nga shumë individë të tillë që cilësohen si oligarkë të mëdhenj, Albin Kurti, shumë nga ta ka vendosur t’i sulmojë sërish, por kjo nuk është tema.
Tema është cili është oligarku që po ledhatohet nga Albin Kurti?
Ai është një emër i njohur në botën e biznesit, dhe afërsisë me politikanë varësisht nga ndryshimi i pushteteve.
Është pronari i INTEREX, Shaip Mikullovci i cili si oligark po ledhatohet nga kryeministri Albin Kurti, para pak ditësh vendosi që të shfrytëzojë marketin e tij për të blerë gjëra ushqimore.
Ai u ndalë në Interex në Leposaviq ku bleu gjëra ushqimore, e në krah s’kishte si të mungonte edhe Shaip Mikullovci.
Por cili është rrugëtimi i oligarkut Shaip Mikullovci?
Ai njihet për lidhjet me politikanët e pothuajse të gjitha pushteteve.
Por kapërcimi i Mikullovcit ishte i menjëhershëm në momentin që ndryshoi pushteti.
E së fundi shihet direkt me kryeministrin Kurti, i cili po e mban afër atë duke u fotografuar në biznesin e tij në kohë fushate.
Natyrshëm shtrohet pyetja: Pse Kurti po e mban kaq afër oligarkun Mikullovci derisa të tjerët po i sulmon ulët e më ulët?
Përgjigja mund të jetë e thjeshtë: Politikanët mbajnë afër dhe “amnistojnë” servilët./Veriu.info/
