Shkruan: Rrahim Ajeti
Shefki Rexha u lind më 28 tetor 1965 në fshatin Dumnicë e Poshtme të Vushtrrisë. Që në fëmijëri, ai u rrit me ndjenja të thella atdhedashurie dhe me përkushtim për dijen dhe zhvillimin personal. Shkollimin fillor e kreu në fshatin e tij në vitin 1972, ndërsa arsimin e mesëm e vazhdoi dhe përfundoi në gjimnazin e Vushtrrisë në vitin 1984.
Jeta e tij mori një kthesë të vështirë pas rritjes së shtypjes dhe diskriminimit ndaj shqiptarëve nga regjimi serbo-sllav. Për shkak të përfshirjes së tij në aktivitetet kundër shtypjes dhe në mbështetje të të drejtave të shqiptarëve, kontriboi në mënyra të ndryshme për Ushtrinë Çlirimtare të Kosovës dhe ishte një ndër organizatorët e demostratave te viteve 89-90. Shefkiu u detyrua të largohej nga Kosova pas demostratav të vitit 1998. Ai u vendos në mërgim, në Gjermani, ku vazhdoi të jetojë me zemrën dhe mendjen gjithmonë të lidhur pas vendlindjes.
Fatkeqësisht, Shefki Rexha u nda nga jeta më 11 qershor 2025 në Gjermani. Humbja e tij është një dhimbje e madhe për familjen, miqtë dhe të gjithë ata që e njohën si njeri të drejtë, të përkushtuar dhe gjithmonë pranë çështjes kombëtare.
Varrimi i tij do të bëhet nesër, më 13 qershor 2025, në ora 18:00, në varrezat e fshatit Dumnicë e Poshtme të Vushtrrisë.
Pushoftë në paqe trupi i tij, ndërsa vepra dhe kujtimi për të do të mbeten të gjalla në zemrat e atyre që e njohën dhe e deshën, sepse ai me të vërtetë ishte familjar, burrë atdhedashës, njeri me virtyte të larta njerëzore e mbi të gjitha shok e udhërrëfyes i mirë
.
.
