Nxënesit e shkollës fillore “Ismail Qemali” në Prishtinë, të martën janë detyruar të zhvillojnë mësimin nëpër salla të arsimtarëve dhe klasa të improvizuara, me orar të shkurtuar, pasi bodrumi i shkollës është mbushur me ujë si pasojë e një bllokade në puseta.
Premtimi i dhënë gjatë muajve qershor–gusht, për ndërhyrje të menjëhershme dhe përfundimtare në pjesët problematike të shkollës (kanalizimi dhe gypat që shkaktojnë mbushjen e bodrumit me ujë), nuk është mbajtur.
Për këtë arsye, gjendja e rëndë jo vetëm që është përsëritur, por po rrezikon seriozisht procesin mësimor dhe shëndetin e fëmijëve.
E prindërit së bashku me fëmijët, të pakënaqur me kushtet në këtë shkollë në të cilën nuk është investuar asgjë sot kanë protestuar para shkollës “Ismail Qemail”.
Teksa kanë bojkotuar dhe mësimin në shejnë revolte me kushtet në këtë shkollë.
Shumë nga ta pohuan se nësë kjo gjendje do të vazhdojë, do të detyrohen që fëmijët t’i largojnë nga kjo shkollë, si pasojë e kushteve të rënda. Ata pohuan se nuk mund të qëndrojnë më duarkryq përballë kësaj situate.
