Ishte fillimi i rekrutimit të ushtarëve të lirisë – UÇK. Numri ishte i pakët, shumë i vogël në nivel të Kosovës asokohe, pothuajse me numër dyshifror të atyre që ishin të gatshëm në bashkangjitje!
Lufta e 5, 6 dhe 7 marsit në Prekaz ishte fatale për një fillim lufte. Bashk me shokët edhe unë e përjetova këtë kohë të vështirë.
Dëshpërim nga mungesa e forcës njerëzore dhe armatimit pllakosi ndër ushtarët e atëhershëm.
Ringritja
Pas vrasjes së Jasharajve, dikush bëri KAPËRCIMIN e madh të gjendjes!
Ishin dy veta ata që bënë kapërcimin vendimtar: Hashim Thaçi dhe Kadri Veseli. Ata sensibilizuan dhe organizuan ardhjen e shumë komandantëve që sot i njohim në Kosovë. Misioni i tyre, përveç udhëheqjes, ishte rritja e numrit të ushtarëve në terren.
Ishin shumë komandantë si: Fehmi Ladroci, Ilaz Kodra, Sami Lushtaku, Fatmir Limaj, Shukri Buja dhe shumë e shumë të tjerë, të cilët morën nën udhëheqjen e luftës e që më vonë do të fitohej.
Kjo meritë ishte për operativën në terren, pa përmendur ngritjen e struktures politike më vonë, e cila ishte pararendëse për t’u bërë konferenca Rambujejes.
Përfundimi
Pa rolin e këtyre dy figurav, do të ishte e pamundur arritja deri në përfundimin e luftës dhe fitorja!
Reflektim
Kryengritjet shqiptare ishin të pandalshme për vite me radhë pas luftës së ’45-s, por nuk kishin një vazhdimësi dhe shuheshin që në nisje. Pra, këta djem atëherë, sot burra të mëdhenjë të kombit – bënë atë që askush tjetër nuk e bëri dot!
Vlera e tyre mund të duket e pakët sot, sepse ata janë ende gjallë dhe mund të përfolen vetëm nga xhelozia e inati, mos të them nga dikush të paguar nga Serbia!
Por, nesër, kur ata nuk do të jenë më do të veretetojn se ishin shpëtimtarët, strategët, çlirimtarët dhe shtet-krijuesit e Kosovës.
