Publikimi i lajmit: “Profesori i Medresesë në Gjilan ua mbulon fytyrën vajzave në pano që të ruhen nga syri i keq”, u përcoll me shumë komente të ndryshme.
Më bënë përshtypje komentet e disa mësimdhënësve të cilët veprimin e “profesorit të Medresesë” e arsyetonin me mbrojtje të privatësisë së nxënëseve të Medresesë.
Këto komente më nxitën t’i konsultoj disa fjalor shqip – shqip dhe anglisht – anglisht, në lidhje me fjalën privatësi. Nga shpjegimi i tyre del se: “ Privatësi/a është aftësi e individit ose grupi për të veçuar veten ose informacionin rreth vetes…”.
Në asnjë shpjegim nuk thuhet se dikush tjetër, qoftë ai edhe kujdestari i klasës ka të drejtë të vendos për privatësinë e dikujt tjetër ( në këtë rast nxënëseve).
Kur e pash fotografinë me të cilën ilustrohej lajmi, në të cilën profesori kujdestar dhe profesorët e profesoreshat në pano i kishin fytyrat e zbuluara, mu kujtua një thënie e disa hoxhallarëve, e përdorur në shekullin e kaluar, që thoshte: “ bënë çka të them unë mos shiko çka bëjë unë”.
Për këtë veprim të “profesorit të kujdesshëm”, qytetarët e Republikës presin reagimin e Bashkësisë Islame dhe të institucioneve të Kosovës të cilat e kanë licencuar këtë shkollë.
Për bindjen time ky veprim, është cenim i të drejtës personale, dhe si i tillë nuk mund të arsyetohet.
Është i papranueshëm.
