Plane ogurzeza për shtëpinë e Xhafer Deva
Ngjitur shtëpisë së Xhafer Deva ndodhet një lokal -rrënojë në truall prej 200m2 apo 250m2 pronë e një pjesëtari të komunitetit rom që banon në Gjermani I cili qysh para lufte e ka vënë në shitje.
Te ministrat e kulturës Kujtim Shala, Kujtim Gashi e Hajrulla Çeku dhe kryetarët e komunës së Mitrovicës Bajram Rexhepi , Agim Bahtiri e Bedri Hamza kam insistuar me ngulm që kjo pronë të shtetëzohet dhe të shërbejë si park i gjelbëruar pranë shtëpisë së Xhafer Deva . Por asnjëri nga këta nuk bëri gjë. Tani mora lajmin se këtë pronë e paska blerë në qytetar.
Shtrohet pyetja: A i jep ndonjë njeri me mendë në krye 200 -300 mijë euro për një rrënojë kur e di që ligji ndalon ndërtimin e çfarëdo objekti deri në distancë 50 m pranë objekteve të trashëgimisë kulturore. Jo. Ky person për ta bërë këtë veprim duhet të ketë marrë garanci të forta nga ministria e nga komuna se do ta kurtalisin disi shtëpinë e Xhafer Deva .
