Zëdhënësja e Shtëpisë së Bardhë, Karoline Leavitt, ka konfirmuar se Steve Witkoff, i dërguari i presidentit amerikan Donald Trump, i ka paraqitur një propozim Hamasit për një armëpushim në Gaza.
Sipas saj, ky propozim është miratuar paraprakisht nga autoritetet izraelite. “Mund të konfirmoj gjithashtu se këto diskutime po vazhdojnë dhe shpresojmë që të arrihet një armëpushim në Gaza, në mënyrë që të mund t’i kthejmë të gjithë pengjet në shtëpi”, ka deklaruar Leavitt, transmeton Skynews.
Ajo shtoi se nuk do të komentojë më shumë mbi përmbajtjen e propozimit, por nënvizoi se Hamasi ende nuk e ka pranuar atë në këtë fazë. Diskutimet për një zgjidhje të përkohshme humanitare vazhdojnë mes palëve të përfshira.
