Shkruan: Lorik Lipoveci
Mbrojtja e informacionit strategjik dhe operacional është njëra ndër kushtet për sukses në fushën e sigurisë. Befasia në hetim, zbulim dhe operacione është element kyq për sukses.
Zhvillimet teknologjike e kanë bërë shumë të vështirë mbrojtjen e informacionit nga përgjimet dhe ndërhyrjet. Disa masa mbrojtëse të kombinuara megjithatë mund ta ngrisin nivelin e mbrojtjes.
Ngritja e dhomës operacionale të sigurtë nga përgjimet, është një kërkesë e standarteve të NATO-s;
Ngritja e sistemit të sigurtë të komunikimeve ndërmjet institucioneve;
Ngritja e grupit special të sigurisë kibernetike;
Ndalimi i publikimit të fotove, videove me apo pa vetëdije të vendndodhjes së forcave policore, ushtarake, emergjencave etj.
Ndalimi i publikimit të fotove dhe videove të paautorizuar të pjestarëve të policisë, ushtrisë, emergjencave;
Komunimimi zyrtar i centralizuar në raste të krizave;
Mosdhënia e informacioneve zyrtare të hershme mbi hetimet,masat etj për publikun nga ana e zyrtarëve politik apo qeverisë;
Komunikimi strategjik i standartizuar në rast të gjendjes së jashtëzakonshme;
Mbrojtja e sistemeve të telekomunikimit në aspekt fizik dhe teknologjik;
Paralajmërim i hershëm dhe i saktë për publikun në rast të krizave të ndryshme.
(Autori është njohës i çështjeve të sigurisë dhe emergjencave)
