Një plagosje ka ndodhur dje në fshatin Qabër të Zubin Potokut, ku për pasojë një person është dashur të marrë trajtim mjekësor në Spitalin e Mitrovicës së jugut.
Burime të Veriu.info bëjnë të ditur se i riu E. Kamberi është vet-plagosur me armën e babait të tij.
Veriu.info mëson se arma është e zyrtarit policer Bislim Kamberi, të cilën djali i tij e ka përdorur dhe aksidentalisht pas shkrepjes i ka shkaktuar plagë vetit.
Rasti është evidentuar edhe në raportin 24 orësh të policisë, por aty nuk bëhet e ditur se arma ka qenë e një zyrtari policor.
“Raportohet se personi mashkull kosovar është vet plagosur me armë zjarri. Është konfiskuar një armë zjarri, ndërsa personi pas pranimit të tretmanit mjekësor është liruar. Lidhur me rastin është njoftuar prokurori. Rasti po hetohet nga njësitet relevante”, thuhet në njoftimin e policisë.
Veriu.info ka dërguar pyetje për ngjarjen Zëvendës-Drejtorit të Policisë së Kosovës për rajonin e Mitrovicës së veriut, Veton Elshani, i cili e ka konfirmuar rastin e ndodhur, por nuk ka dhënë detaje tjera.
Rastin për Veriu.info e konfirmuar edhe doktor Qenan Qabra, zëvdenësues i drejtorit në Spitalin e Mitrovicës së jugut, i cili ka treguar se i pagosuri ka marrë trajtim mjekësor në urgjencë.
“Një person i plagosur me lëndime në këmbë. Dje ka marrë tretman në repartin e urgjencës dhe pas tretmanit mjekësor është liruar për në shtëpi”, ka the Qabra për Veriu.info.
