Në kuadër të hulumtimit për kompanitë që kanë futur ose tentuar të fusin produkte ushqimore në Kosovë me përbërës të rrezikshëm, Veriu.info ka gjetur se mullinjtë “Blerina” Sh.P.K. dhe “Amidoni Group” Sh.P.K. janë gjobitur për shkak se kanë prodhuar miell Tip 400 në kundërshtim me obligimet ligjor.
Në dokumentet e siguruara nga Veriu.info, shihet se Agjencia e Ushqimit dhe Veterinarisë gjatë inspektimeve ka zbuluar se këto dy kompani nuk kanë kryer pasurimin e miellit me Acid Folik dhe Fero Sulfat, ashtu siç i obligon ligji.
Gjatë inspektimit të kryer nga inspektorati fitosanitar i AUV në mullirin e kompanisë “Blerina” Sh.P.K. në Lipjan, pronari ka thënë se është duke e bërë pasurimin e miellit me Acid Folik dhe Fero Sulfat, mirëpo pas analizave të bëra ka dalë se mielli nuk i përgjigjet kualitetit për konsum në bazë të standardeve ligjor, pasi që nuk e e ka bërë pasurimin e mellit me acid folik e fero sulfat.
Për shkak të këtij veprimi të kundërligjshëm dhe të dëmshëm për shëndetin e konsumatorëve, Gjykata e ka dënuar mullirin “Blerina” Sh.P.K. me 1000 euro, ndërsa personin përgjegjës të kompanisë, Bedri Aliu me 500 euro gjobë.
Inspektorët fitosanitar të AUV kanë gjetur edhe një mulli në Lipjan që bën prodhimin e miellit në kundërshtim me kushtet ligjore, të cilat e obligonin të bëjë pasurimin e miellit me Acid Folik e Fero Sulfat. Fjala është për mullirin e kompanisë “Amidoni Group” Sh.P.K.
Për shkak të gjetjeve që kanë bërë inspektorët fitosanitar të AUV në këtë mulli, gjykata e ka dënuar kompaninë “Amidoni Group” Sh.P.K. me 1000 euro gjobë, ndërsa personin përgjegjës të kompanisë, Ramadan Krasniqi me 500 euro gjobë.
Cilat janë rreziqet nga mos pasurimi i miellit me Acid Folik e Fero Sulfat?
Rreziqet nga mungesa e Acidit Folik janë:
- Defekte te fëmijët e sapo lindur
- Anemi megaloblastike
- Rrezik për komplikime në shtatzëni
Rreziqet nga mungesa e Fero Sulfatit:
- Anemi nga mungesa e hekurit
- Rritje e ndjeshmërisë ndaj infeksioneve
- Vonesë në zhvillim te fëmijët
Ndiqeni hulumtimin e Veriu.info:
