Ka ndërruar jetë në mënyrë të papritur Besnik Sadriu, inspektor dhe punonjës i Agjencisë së Veterinarisë dhe Ushqimit të Kosovës (AVUK).
Lajmi për ndarjen e tij nga jeta ka tronditur familjen, kolegët dhe të gjithë ata që e njohën për profesionalizmin, korrektësinë dhe përkushtimin e tij në kryerjen e detyrës zyrtare. Gjatë angazhimit të tij institucional, Sadriu u dallua për integritet dhe përgjegjësi, duke fituar respekt të gjerë në rrethin profesional.
I ndjeri ishte djali i profesorit të nderuar Mahmut Sadriu, ndërsa humbja e tij e parakohshme përbën një humbje të madhe për familjen, institucionin dhe shoqërinë në tërësi.
Varrimi do të bëhet sot, më 14 dhjetor 2025, pas namazit të ikindisë, në ora 14:00, në varrezat e fshatit Davidovc të Shtimes.
Familja Sadriu do të presë ngushëllime nga të afërmit, miqtë dhe kolegët
Njoftimi i familjes:
“Të Allahut jemi dhe tek Ai do të kthehemi.”
NJOFTIM
Me pikëllim të thellë njoftojmë se sot, në moshën 54-vjeçare, ndërroi jetë vëllai, bashkëshorti dhe babai ynë i dashur,
Besnik Mahmut Sadriu
Largimi i tij na la me dhimbje të pashërueshme, por kujtimi dhe dashuria për të do të jetojnë përgjithmonë në zemrat tona.
Besnik, ishe dhe do të mbetesh gjithmonë heroi ynë.
Zoti të shpërbleftë me Xhenet 🤲🕊️
Varrimi do të bëhet nesër, më 14.12.2025, pas namazit të Ikindisë, në varrezat e fshatit Davidovc, në ora 14:00.
Me respekt,
Familja Sadriu
