Kryeministri i Britanisë së Madhe, Sier Keir Starmer, ka përsëritur thirrjen për ndryshime rrënjësore në situatën në Gaza, duke e quajtur gjendjen aktuale një katastrofë humanitare.
Starmer deklaroi se Britania do të njohë shtetin palestinez në shtator, nëse Izraeli nuk ndalon sulmet.
“Situata në terren në Gaza duhet të ndryshojë, ka një katastrofë humanitare dhe për këtë arsye kam thënë se nëse kjo nuk ndryshon materialisht, natyrisht që do ta vlerësojmë këtë kur të arrijmë në shtator, atëherë do ta njohim Palestinën.”, tha ai në një intervistë për BBC.
Ai shtoi se qeveria britanike ka kërkuar vazhdimisht lirimin e pengjeve të mbajtura nga Hamasi.
“Ata janë mbajtur për një kohë shumë, shumë të gjatë në kushte absolutisht të patolerueshme. Pra, kjo duhet të ndodhë absolutisht.”, theksoi Starmer.
