Sonte rreth mesnate është sulmuar me kallashnikov shtëpia e Liridon Osmanit në Vushtrri.
Policia e Kosovës së bashku me prokurorin kanë dalë në vendngjarje, ku po kryjnë hetime dhe po mbledhin prova.
Fatmirësisht askush nga anëtarët e familjes së Liridon Osmanit që gjendeshin në shtëpi nuk është lënduar.
Veriu.info ka siguruar pamjet e personit që ka gjuajtur shtëpinë me kallashnikov, ku shihet se ai lëvizte me një motoçikletë.
Personi që ka gjuajtur shtëpinë e ka ndalur motoçikleten në rrugë para shtëpisë dhe ka shtënë me breshëri plumbash, ku disa plumba kanë goditur në dritare dhe kanë depërtuar brenda në dhoma.
Ndryshe, Liridon Osmani është rrahur brutalisht para një muaji nga persona të maskuar, derisa ishte duke e dërguar vajzën në çerdhe.
Lajmi në zhvillim …
