Joni Asllani, një futbollist 14-vjeçar shqiptar i lindur në Kosovë dhe aktualisht banues në Finlandë, po tërheq vëmendjen me paraqitjet e tij mbresëlënëse në futbollin finlandez. Ai ishte pjesë kyçe e ekipit të tij gjatë seleksionimeve për grupmoshën U15 të Finlandës, ku skuadra e tij fitoi vendin e parë në turne.
Në ndeshjen finale, Joni shënoi një gol vendimtar, duke dëshmuar talentin e tij të madh dhe instinktin prej sulmuesi të lindur. Ai është një shembull i vullnetit, vetëbesimit dhe punës së palodhshme, që sipas familjes dhe trajnerëve të tij, e karakterizon që në moshë të vogël.
Pamje nga goli i Jonit në finale janë publikuar edhe në rrjete sociale, ku shihen aftësitë teknike, qetësia para portës dhe shpërthimi në momentin vendimtar.
Federata e Futbollit e Kosovës duhet ta ndjekë me kujdes rrugëtimin e këtij super talenti, i cili ende mund të përfaqësojë Kosovën në të ardhmen. Mos ta humbim këtë diamant që po shkëlqen në veri të Evropës!
