Prokuroria Themelore në Mitrovicë ka iniciuar procedurën disiplinore ndaj prokurores S.K., lidhur me rastin e viktimës L.Q., nga Llausha e Skenderajt.
Kjo është bërë e ditur përmes në një komunikatë për media nga Prokuroria Themelore në Mitrovicë.
Sipas Prokurorisë, inicimi vjen pas kërkesës së kryeprokurorit të shtetit, Aleksandër Lumezi.
“Mitrovicë, 10 janar 2022 – Prokuroria Themelore në Mitrovicë, njofton opinionin publik se pas kërkesës së Kryeprokurorit të Shtetit Aleksandër Lumezi, Kryeprokurori i Prokurorisë Themelore në Mitrovicë Ismet Ujkani, pas analizimit të gjitha shkresave të lëndës dhe konform Ligjit për Përgjegjësinë Disiplinore të Gjyqtarëve dhe Prokurorëve, sipas detyrës zyrtare, ka iniciuar procedurën disiplinore ndaj prokurores S.K., lidhur me rastin e viktimës L.Q., nga Llausha e Skenderajt”, thuhet në komunikatë.
