Nënkryetari i Komunës së Mitrovicës, Arian Tahiri, ka mirëpritur sot në një takim zyrtar kryetarin e Komunës së Morbachut në Gjermani, Arianit Besirin – një mitrovicas i suksesshëm dhe shembull i integrimit të diasporës shqiptare në Evropë.
Gjatë takimit, Tahiri vlerësoi kontributin dhe angazhimin e Besirit, duke e cilësuar atë si një dëshmi të qartë se të rinjtë shqiptarë janë të aftë të marrin përgjegjësi të mëdha, pavarësisht moshës apo vendit ku jetojnë.
“Faleminderit nga zemra Arianitit, për vizitën dhe për frymëzimin që sjell me vete. Sukseset e tua i ndajmë me krenari të gjithë ne si mitrovicas dhe si qytetarë të Kosovës”, ka thënë Tahiri.
