Presidentja e Kosovës, Vjosa Osmani, gjatë vizitës së saj në Tokio, është takuar me kryeministrin japonez Shigeru Ishiba,
Kryeministria japoneze ka njoftuar për takimin e tyre.
Në njoftim tha se takimi mes tyre zgjati rreth 35 minuta dhe dha “një pasqyrë të takimit”.
“Në fillim kryeministri Ishiba përshëndeti vizitën e Presidentes Osmani në Japoni. Ai tha se ruajtja dhe forcimi i një rendi të lirë dhe të hapur ndërkombëtar të bazuar në sundimin e ligjit është vendimtar në situatën gjithnjë e më të rëndë ndërkombëtare dhe synimin e tij për të bashkëpunuar me Kosovën, me të cilën ka pasur marrëdhënie të mira bilaterale”, thuhet në njoftim.
Kryeministri Ishiba tha se Japonia do të vazhdojë të mbështesë përpjekjet e Kosovës për zhvillimin dhe integrimin me Europën përmes “Iniciativës për Bashkëpunim për Ballkanin Perëndimor”.
“Presidentja Osmani shprehu mirënjohjen e saj për mbështetjen e kahershme të Japonisë për Kosovën dhe pritjet e saj për bashkëpunim të mëtutjeshëm, përfshirë edhe atë ekonomik mes dy vendeve”, vazhdon njoftimi.
“Dy liderët ranë dakord të forcojnë më tej marrëdhëniet dypalëshe duke e shfrytëzuar Expo-në si një mundësi të mirë”.
Po ashtu, u tha se Osmani e Ishiba shkëmbyen mendime mbi çështjet rajonale në lidhje me situatën në Indo-Paqësorin dhe Ukrainën etj dhe ranë dakord të bashkëpunojnë me njëri-tjetrin.
