Milazim Krasniqi, njeri nga themeluesit e LDK-së, ka rikujtuar një bisedë të para 26 vitesh me një zyrtar amerikan.
Ai ka treguar se zyrtari në fjalë qysh në vitin 2000 i kishte thënë që duhet të duhet që të shtyhet sa më larg koha kur disponimi antiamerikan do të shfaqet në Kosovë.
Në profilin e tij në Facebook, Krasniqi ka shkruar se kjo bisedë e kishte vu në siklet.
“Më vjen siklet ta kujtoj një bisedë me një zyrtar amerikan në vitin 2000. Në cilësinë e shefit të Informimit të LDK-së, po i thoja se ne ishim përjetësisht mirënjohës ndaj SHBA-së. Në komentet e tij ai tha se duhet të punojmë që ta shtyjmë sa më larg kohën kur disponimi antiamerikan do të shfaqet në Kosovë. E mora si një tentim për t’u dukur interesant në diskutim. Me gjasë ai e dinte çka po fliste, sepse amerikanët kanë përvoja me popujt të cilët i kanë ndihmuar të çlirohen e të cilët u janë kthyer kundër. (Rast bizar para sa vitesh ka qenë kur Franca e pati lavruar tokën ku ishin të varrosur ushtarët amerikanë, të zbarkuar në Normandi.) Refuzimi i gazit amerikan, ma ktheu në kujtesë atë bisedë, të cilën e paskam pasë harruar”, ka shkruar ai.
